Raatri(A silent but not so silent night.........)

Raatri...................................

Raatri….

Shaant ..par utni shaant v nhi ..

Khud me samete anant kshan,

Kuch maun kuch shor,

Dheere dheere wo ja rhi,

Bhor ki or.

 

Shaant sarakti raat me.....                                                         

maa ki god me ....

surakshit

mehsus krte., 

swapn lok me khoye,

hain masoom se sar.

din bhar ki bhaag daud k baad ,

nind me beshudh hain

kuch pade hue apne,

narm mulayam bistar par

kuch aankhein gadaaye, hain panno par

jinme ankit hain kuch kale akshar

jo ab bas padhne k liye hain,

vicharo ki jaagriti k liye nhi.

wo hain bas aankho ko thakaan de

use nidra k hawale krne k liye..

raatri k soonepan me.......

apne zingagi k soonepan ko

door krne ki koshish me

ek masheen  k aaage baithe

kucch khat-khat awwaz me,
likhte hue

door ,kahin ek

anjaani

duniya k

kuch andekhe kuch jaane-anjaano se,

log apni vicharo ki abhivyati krte,

or  khud me hi khush hote..

chup chaap simatee raatri me.........

kuch baithe hain,
din bhar ka lekha-jokha krne,
lage hain kai ab
apne aatm-vishleshan me.

kahin  vichaar chup chaap,

daayari me jagah paate hue

dwand , kuch prem ras liye

sabhi kuch anksharo me samete hue

veeleen ho rhe raatri me
jo ja rhi ek nayi bhor ki or

andheri kaali is raatri me....

lipapoti se chamakte hue..

kuch chere..

jo thirak rhe kisi dhun par..

befikr ho nashe me chur

kuch bhatakte kadam jameen par

sab samete..
 chali raatri bhor ki or

is madhya raatri me....

Tang ,sunsaan galiyon me

Sannate me kuch aahat hain

Kuch saaye h un andhero me

jo lage hain kaya or maya k len- den me

in sabse door........

ek band kamre me

ek soyi hui...

jaagti aakriti

jiske mann me uth rhe kuch vichaar

khud k astitva

pe prashn chinha lagakr

tabdil hote kuch siskiyon me..

wo sisikiyan jinhe
 koi v nhi sunta..

unhe v sath le,

aisi aur anek kahaniyaan,

apne aanchal me sama kar

chup chaap sarak rhi raat  

bhor ki or

raatri ...........

shaant...... par utni v shaant nhi..

chali bhor ki or