zindagi...........

zindagi....    

Kahin  sehron ki uchi imaraton me

Thandi hawa me sukun talaashti ,ek zindagi

kahin kacharon k dher me basar karti ,

  

Chitharon me lapti hui , kuch dhundti, ek zindagi.                   

Ek vyast , khud me madmast zindagi,         

Sukh suvidhaon me v trast  zindagi

Aur dusri taraf duniya se apekshit,

nirash ,dard me v maun zindagi.

Kahin hothon pe jhoothi muskaan sajaaye ,

aalishan mehlon me v tanha si ek zindagi.

kahin khule badan ,sard garm hawaon  me,

ek niwala dhundti  zameen pe padi ek zindagi.

 kitna antar hain dono me,

ek duadti ,bhagti...

bahut kuch paakar v asantusht zindagi.

aur ek taraf  kuch batorti ,sanjoti,

 abhaav me , atript zindagi..

dono hi magar zindagi se haare ..

 bheed me apni  pehchaan bnane k hod me lagi  ek zindagi.

or ek swayam k astitva se hi anjaan,aparichit ek zindagi.